Turkiya harbiy-dengiz kuchlarining 300 ga yaqin zobiti Fathulloh Gulen tarafdorlarining FETO tashkiloti bilan aloqalarda gumon qilinib, xizmatdan chetlatildi. Bu haqda mamlakat milliy xavfsizlik vazirligi ma’lum qildi, deb xabar beradi “TASS”.
Shuningdek, 19 nafar zobit ishdan bo‘shatilgani bildirilmoqda.
Turkiya rasmiylari mamlakatda harbiy to‘ntarishga urinishdan so‘ng FETO bilan bog‘liq bir necha ming tashkilotlarni yopdi, davlat apparati hamda armiyani keng ko‘lamli tozalovdan o‘tkazdi va bu hozirga qadar davom etmoqda. Turli tizimlarda faoliyat ko‘rsatayotgan 100 ming nafar davlat xizmatchisi ishdan bo‘shatildi yoki tekshiruv yakunlanguncha lavozimidan chetlatildi.
Izoh (0)