Efiopiya xavfsizlik kuchlari joriy yil 9-oktabrida butun mamlakat hududida favqulodda holat tartibi joriy etilganidan beri tartibsizliklar uyushtirishga aloqador 11,6 mingdan ko‘proq kishini hibsga oldi. Bu haqda mamlakat davlat televideniyesi ma’lum qildi, deb xabar beradi “TASS”.
“9-oktabrdan beri tartibsizliklar tashkillashga aloqadorlikda ayblanib 11607 kishi, jumladan, 347 nafar ayol qo‘lga olindi. Bunga sabablar ko‘p, ular orasida zo‘ravonlikka undash, davlat va xususiy mulkga ziyon yetkazish, transport vositalari harakatiga to‘sqinlik qilishni ko‘rsatib o‘tish mumkin”, — ta’kidladi favqulodda holat tartibiga rioya etilishi ustidan nazorat davlat qo‘mitasi raisi Taddes Xordofa.
Ma’lumot uchun, 2-oktabrdan boshlanib, bir necha kun davom etgan va 100 dan ortiq kishi halok bo‘lishiga olib kelgan hukumatga qarshi namoyishlardan so‘ng Efiopiya rasmiylari mamlakatda olti oy muddatga favqulodda holat tartibi, shuningdek, strategik muhim obyektlar hududida 18:00 dan 06:00 gacha komentdantlik soati joriy etdi.
Izoh (0)