Kolumbiya hukumati vakillari va Inqilobiy qurolli kuchlar (FARC) isyonchilari 12-noyabr, shanba kuni Kuba poytaxti Gavanada tinchlik haqidagi yangi, yakuniy kelishuvni imzoladi. Bu haqda “Korrespondent.net” xabar bermoqda.
“Biz qurolli qarama-qarshilik yakunlangani haqidagi yangi, yakuniy kelishuvga erishdik. Mazkur hujjat o‘zgarishlar, tuzatishlar va jamiyatning turli qatlamlari bunga qo‘shadigan hissani o‘z ichiga oladi”, — ma’lum qildi tinchlik jarayoni kafili vazifasi bajarayotgan Kuba vakili Ivan Mora.
Ma’lumot uchun, Kolumbiya hukumati va FARC o‘rtasidagi sulh yuzasidan oldingi kelishuv 27-sentabrda imzolangandi. Biroq shundan keyin bo‘lib o‘tgan referendum chog‘ida mamlakat aholisi isyonchilar bilan tinchlik bitimi tuzilishiga qarshi chiqdi.
Izoh (0)