Yaponiyaning Toyota Motor avtomobil korporatsiyasi 2020-yilga kelib elektromobillarni ommaviy ishlab chiqarishga kirishadi. Bu haqda “TASS” xabar bermoqda.
Nikkei nashriga ko‘ra, korporatsiya batareyaning bir marotaba quvvatlanishi bilan kamida 300 kilometr yurishga qodir avtomobilni ishlab chiqishni rejalashtirmoqda. Unga Prius yoki Corolla modellari asos bo‘lib xizmat qilishi mumkin.
Muhandislar hal etishi lozim bo‘lgan asosiy muammo mashina uzoq vaqt faoliyat ko‘rsatishini ta’minlay oladigan akkumulyator batareyalarini yaratishdan iborat. Shuningdek, mijozlar ularni tezda quvvatlantirish imkoniyatiga ega bo‘lishi talab etiladi.
Batareyalarni yaratish bilan Toyota Motor’ning maxsus bo‘linmasi shug‘ullanadi. Shu bilan birga, korporatsiya rahbariyati yuqori sifatni saqlab qolgan holda avto qiymatini pasaytirish uchun elektromobillarning mazkur muhim qismini chet ishlab chiqaruvchidan xarid qilish variantini ham ko‘rib chiqmoqda.
Izoh (0)