So‘nggi ish joyi Rimning “Latsio” klubi bo‘lgan 51 yoshli mutaxassis Stefano Pioli 2018-yil yarmiga qadar “Inter”ga ustozlik qiladi. Bu haqda “Chempionat” klub rasmiy saytiga tayanib xabar berdi.
Pioli faoliyati davomida Italiyaning o‘rtamiyona jamoalarida ishlab kelgan bo‘lib, 2001-yilgi mavsumda 16 yoshli futbolchilar bilan mamlakat o‘smirlar ligasida chempion bo‘lgan. Murabbiy sifatida bundan o‘zga katta yutuqqa erishmagan.
“Inter” A seriyaning yangi mavsumi 12-turidan keyin 17 ochko bilan 9-o‘rinni egallab turibdi. Bu natija klub rahbariyatini qoniqtirmagach, gollandiyalik Frank de Burga chiqish eshiklari ko‘rsatib qo‘yildi.
Qayd etish kerak, “Inter” 2010-yil Joze Mourinyo klubni tark etgach 8 bor murabbiy almashtirdi. Shularning 7 tasida klubda 1 yildan ortiq ishlay olmadi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)