Silvestr Stallone Los-Anjelesda boks bo‘yicha sobiq jahon chempioni, filippinlik Menni Pakyaoning mashg‘ulotida qatnashdi va sparringini tomosha qildi. Bu haqda Pakyao Twitterdagi sahifasida ma’lum qildi, deya xabar beradi “TASS”.
Amerikalik kichik Floyd Meyuezer bilan bahsdan so‘ng filippinlik boskchi 2016-yil 6-aprelida faoliyatini yakunlashi haqida e’lon qilgandi. Biroq avgust oyida 37 yoshli Pakyao ringga qaytishga qaror qildi.
U 5-noyabr kuni WBO yo‘nalishida jahon chempionligi uchun 27 yoshli amerikalik Jessi Vargasga qarshi jang o‘tkazadi. Pakyao hozirda AQShda bellashuvga tayyorgarlik ko‘rmoqda.
Surat ostida bokschi Stallone sparringni kuzatganidan mamnunligini bildirdi va “ikki Rokki real hayotda uchrashdi” deb izoh qoldirdi.
Izoh (0)