Filippinlik bokschi Menni Pakyao WBO versiyasi bo‘yicha jahon chempionligi uchun jangda amerikalik Jessi Vargasni mag‘lubiyatga uchratganidan so‘ng faoliyatini davom ettirishni rejalashtirmoqda. Bu haqda u bellashuvdan so‘ng ESPN telekanaliga ma’lum qildi, deb xabar beradi “TASS”.
6-noyabr, yakshanbaga o‘tar kechasi Pakyao Las-Vegasda bo‘lib o‘tgan 12 raundli jangda hakamlarning yakdil qaroriga ko‘ra ochkolar bo‘yicha g‘olib chiqdi va jahon chempionligini qo‘lga kiritgan tarixda birinchi senator bo‘ldi.
U joriy yil aprel oyida amerikalik Timoti Bredlini mag‘lub etganidan so‘ng Filippin senatiga saylovlar tufayli boksdagi faoliyatini yakunlagani haqida e’lon qilgandi. Biroq keyinchalik bu fikridan qaytdi va avgustda Vargas bilan jang uchun shartnomani imzoladi.
“Kelgusi bellashuv bo‘yicha promouterim Bob Arum bilan gaplashib ko‘raman. Jang kim bilan bo‘lishini bilmayman, lekin muxlislar istagan raqib bilan ringga chiqishga tayyorman”, — dedi 37 yoshli sportchi.
Izoh (0)