Жорий йил январидан октябрига қадар Германияда қочқинлар ётоқхоналарига ҳужумлар сони ўтган йилнинг шу даврига нисбатан деярли 25 фоизга кўпайди. Бу ҳақда Жиноий ишлар федерал муассасаси маълум қилди, деб хабар берди «Корреспондент.net».
2016 йилнинг 9 ойи мобайнида 832 та шундай ҳуқуқбузарлик қайд этилди. Ўтган йили бу кўрсаткич 637 тани ташкил этганди.
Полиция 772 жиноятда муҳожирларга нисбатан нафрат аломатларини кузатган бўлса, яна 60 ҳолатда сиёсий сабаблар истисно этилмаган. 330 та ҳодисада мол-мулкка зарар етказилган, 144 ҳолатда зўравонликка йўл қўйилган.
Германия ҳуқуқ-тартибот идоралари 63 та ўт қўйиш ва 12 та портлатишга уринишни қайд этди. 4 та ҳолатда портлашлар чиндан ҳам рўй берди.
Изоҳ (0)