Lenovo kompaniyasi o‘z brendi ostida smartfonlar chiqarishdan voz kechishi mumkin, deb yozadi “Hi-tech.mail.ru” Gizmo China’ga tayanib. Qurilmalar Moto brendi ostida chiqadi — uning bozordagi ommabopligi yuqoriroq.
Sentabr oxirida kompaniya butun dunyo bo‘ylab xodimlarining qariyb 2 foizini (ikki mingdan ortiq kishi) ishdan bo‘shatdi. Bu asosan Motorola vakillariga taalluqli bo‘ldi, kompaniya ushbu chora ikki brendni integratsiyalash strategiyasining bir qismi ekanligiga aniqlik kiritdi.
Google Motorola Mobility’ni 2011-yilda 12,5 milliard dollarga sotib olgan edi, 2014-yilda esa bo‘linmani Lenovo 2,91 milliardga xarid qildi. Keyinroq Lenovo Motorola brendidan voz kechib, smartfonlarni Moto va Lenovo brendlari ostida chiqara boshladi.
Izoh (0)