Meizu kompaniyasi yangi Meizu Pro 6S flagman smartfonini taqdim etdi, deb yozadi “Hi-tech.mail.ru”. Uning dizayni ham, texnik xususiyatlari ham Meizu Pro 6’dan unchalik farq qilmaydi.
Yangi smartfonning asosiy o‘ziga xos jihati — takomillashtirilgan kamera hamda sig‘imi oshirilgan akkumulyator. Shuningdek, tezkor xotira hajmi 3 gigabaytdan 4 gigabaytgacha oshirildi. Ammo Meizu Pro 6S’da ham xotira kartasi yo‘q.
Qurilma 10 yadroli MediaTek Helio chipseti, 4 Gb tezkor va 32/64 Gb ichki xotira, 5,2 dyuymli va 1920×1080 pikselli AMOLED-ekran, 12 megapikselli asosiy va 5 megapikselli old kamera, 3060 mA/soat sig‘imli akkumulyatorga ega. U Android 6.0 operatsion tizimida ishlaydi.
64 Gb xotirali Meizu Pro 6S taxminan 400 dollardan sotiladi.
Izoh (0)