Asosiy egasi Alisher Usmonov bo‘lgan Mail.Ru Group taomlar buyurtma qilish va yetkazish xizmati Delivery Club’ni 100 million dollar evaziga to‘lig‘icha sotib oldi. Bu haqda “Vedomosti” xabar bermoqda.
Tomonlar bitim haqidagi kelishuvni 3-noyabr, payshanba kuni imzoladi. Mazkur kelishuvga ko‘ra, ushbu summaning 90 million dollari noyabr oyi davomida, qolgan 10 millioni esa 2017-yil boshida to‘lab beriladi.
Eslatib o‘tamiz, oldinroq “VKontakte” rahbari bo‘lib ishlab kelgan Boris Dobrodeyev Mail.Ru Group bosh direktori etib tayinlangani haqida ma’lum qilingandi.
Izoh (0)