Futbol bo‘yicha O‘zbekiston Yoshlar Birinchiligi g‘olibi musobaqa yakuniga uch tur qolganida ma’lum bo‘ldi. Bu haqda O‘zbekiston Professional futbol ligasi matbuot xizmati xabar bermoqda.
Xabar berishlaricha, 27-oktabr kuni “Bunyodkor” yoshlari musobaqa 27-turi doirasida “Metallurg”ni qabul qilib, 2:1 hisobida g‘alaba qozongan.
Mazkur g‘alabadan so‘ng, “Bunyodkor” yoshlari ochkolari sonini 61 taga yetkazib, ikkinchi o‘rindagi “Paxtakor”dan kamida 14 ochkoga, uchinchi o‘rindagi “Metallurg”dan esa 16 ochkoga o‘zib ketgan.
O‘zPFL matbuot xizmatining qayd etishicha, “Bunyodkor” yoshlari 2015-yilgi Yoshlar Birinchiligida ham g‘oliblikni qo‘lga kiritgan edi.
O‘zbekiston Yoshlar Birinchiligi — Oliy Liga klublarining yoshlar jamoalari o‘rtasidagi musobaqa bo‘lib, unda asosan yosh futbolchilar qatnashadi va yoshi katta futbolchilarning cheklangan soniga ishtirok uchun ruxsat beriladi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)