Amerikalik suzuvchi Maykl Felps va model Nikol Jonson shu yil iyunida yashirin ravishda nikohdan o‘tdi. Bu haqda “TASS” xabar bermoqda.
Arizona Republic nashriga ko‘ra, sportchi va sobiq “Kaliforniya go‘zali” 13-iyunda, Jonson o‘g‘il farzand ko‘rganidan bir oy o‘tib, turmush qurdi. Gazeta to‘y Paradayz Vellida (Arizona shtati) bo‘lib o‘tganini ko‘rsatuvchi nikoh guvohnomasi nusxasini chop etdi. Na Felps, na Jonson bu haqda jamoatchilikka hech narsa ma’lum qilmadi.
Ma’lumot uchun, 31 yoshli Felps Rio-de-Janeyrodagi o‘yinlardan so‘ng faoliyatini yakunlashi haqida e’lon qildi. U 5 Olimpiadada ishtirok etgan va rekord darajadagi (23 oltin, 3 kumush va 2 bronza, jami 28 ta) medallarga sazovor bo‘lgan.
Izoh (0)