Futbol bo‘yicha Braziliya Kubogi yarim finali doirasida “Kruzeyru” va “Gremiu” jamoalari o‘rtasidagi dastlabki uchrashuvdan so‘ng o‘yin vaqtida yuz bergan yurak xuruji sabab vafot etdi. Bu haqda “TASS” xabar bermoqda.
Uchrashuv 27-oktabrga o‘tar kechasi bo‘lib o‘tgan va “Gremiu”ning 2:0 hisobidagi g‘alabasi bilan tugagan. O‘yin vaqtida “Kruzeyro”ga ishqibozlik qilgan 37 yoshli Eros Belizardo stadionning boshqa sektorida o‘tirgan qallig‘ining yoniga o‘tmoqchi bo‘lgan, biroq tartib posbonlari tomonidan to‘xtatib qolingan.
Shundan so‘ng uning ahvoli yomonlashib, u hushidan ketib qolgan. Shifokorlar unga stadionning o‘zida birinchi yordamni ko‘rsatgan, biroq shifoxonaga yo‘lda Belizardoning joni uzilgan.
Braziliya Kubogining “Gremiu” va “Kruzeyru” klublari o‘rtasidagi yarim final javob uchrashuvi 3-noyabr kuni bo‘lib o‘tadi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)