Madridning “Real” futbol klubi o‘z stadionida yengil o‘rta vazn toifasida jahon chempioni hisoblangan irlandiyalik Konor Makgregor ishtirokida UFC janglarini o‘tkazishdan manfaatdor. Bu haqda, “Real Madrid”dagi manbalarga asoslanib, News Talk xabar bermoqda.
“TASS”ning yozishicha, Makgregorning keyingi jangi amerikalik Eddi Alvaresga qarshi 12-noyabr kuni Nyu-Yorkda bo‘lib o‘tadi. Biroq Makgregor yaqin kelajakda AQShda ortiq jang o‘tkazishni istamayapti.
Makgregor o‘z janglari Irlandiyada bo‘lmasa ham, kamida Yevropada o‘tkazilishi tarafdori — bu uning, birinchi galda, Irlandiyadagi muxlislari uchun yengillik tug‘dirgan bo‘lardi.
Ma’lum bo‘lishicha, irlandiyaliklar o‘z vatandoshi ishtirokidagi janglarni tomosha qilish uchun kamida 2 ming dollar sarflab AQShga safarga qilishga majbur.
News Talk’ning xabar berishicha, “Real Madrid” 80 ming tomoshabinga mo‘ljallangan “Santyago Bernabeu” nomli o‘z stadionida UFC janglari o‘tkazilishidan xursand bo‘ladi.
Ispanlar Makgregor ishtirokidagi jang oqshomini may — iyul oylari oralig‘ida uyushtirishni taklif qilmoqda.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)