Microsoft asoschisi Bill Geyts va Facebook asoschisi Mark Sukerberg jahon chempionligi toji uchun noyabr oyida Nyu-Yorkda bo‘lib o‘tadigan shaxmat uchrashuviga tashrif buyurishga rozilik bildirdi. Bu haqda Xalqaro shaxmat federatsiyasi prezidenti Kirsan Ilyumjinov ma’lum qildi, deya xabar bermoqda “TASS”.
“Geyts va Sukerberg rozilik bildirdi, ular uchrashuvga keladi. Bu ochilish partiyasi bo‘ladimi yoki undan keyingi birortasi — buni bilmayman. Obama, Tramp va Klintonning javoblarini kutyapman. Har holda, ular ham hali rad javobini berganicha yo‘q”, — dedi Ilyumjinov.
Shaxmat bo‘yicha jahon chempioni unvoni uchun rossiyalik Sergey Karyakin va norvegiyalik Magnus Karlsen o‘rtasidagi uchrashuv 11—30-noyabr kunlari Nyu-Yorkda bo‘lib o‘tadi. Uchrashuv 12 partiyadan iborat bo‘ladi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)