«Бунёдкор» кетма-кет иккинчи йил Ўзбекистон Ёшлар Биринчилиги ғолибига айланди

Футбол бўйича Ўзбекистон Ёшлар Биринчилиги ғолиби мусобақа якунига уч тур қолганида маълум бўлди. Бу ҳақда Ўзбекистон Профессионал футбол лигаси матбуот хизмати хабар бермоқда.

Хабар беришларича, 27 октябрь куни «Бунёдкор» ёшлари мусобақа 27-тури доирасида «Металлург»ни қабул қилиб, 2:1 ҳисобида ғалаба қозонган.

Мазкур ғалабадан сўнг, «Бунёдкор» ёшлари очколари сонини 61 тага етказиб, иккинчи ўриндаги «Пахтакор»дан камида 14 очкога, учинчи ўриндаги «Металлург»дан эса 16 очкога ўзиб кетган.

ЎзПФЛ матбуот хизматининг қайд этишича, «Бунёдкор» ёшлари 2015 йилги Ёшлар Биринчилигида ҳам ғолибликни қўлга киритган эди.

Ўзбекистон Ёшлар Биринчилиги — Олий Лига клубларининг ёшлар жамоалари ўртасидаги мусобақа бўлиб, унда асосан ёш футболчилар қатнашади ва ёши катта футболчиларнинг чекланган сонига иштирок учун рухсат берилади.

Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.