Doping namunalarini qayta tekshirish natijalariga ko‘ra Xalqaro olimpiya qo‘mitasi (XOQ) tomonidan 2008 va 2012-yilgi Olimpiadalarda qo‘lga kiritgan medallaridan mahrum qilingan rossiyalik sovrindorlarning birortasi hali medallarni qaytarib bermagan, deya xabar bermoqda “TASS”.
XOQ doping namunalarini qayta tekshirish natijalariga ko‘ra, so‘nggi uch oy davomida Rossiya olimpiya termasini Pekin—2008 o‘yinlarida qo‘lga kiritilgan yettita va London—2012 dagi uchta medaldan mahrum qilgan edi.
XOQ sovrindan mahrum etilgan sportchilarning medallarini qaytarishni ta’minlash vazifasini Rossiya olimpiya qo‘mitasi zimmasiga yuklagan edi.
“Medallarni qaytarib berish jarayoni bizda umuman yo‘lga qo‘yilmagan. Qaytarilishi lozim bo‘lgan medallardan birortasi qaytarib berilganmi-yo‘qmi, bizda bu haqda ham axborot yo‘q. Mamlakatimizda onglilikning zarur darajasiga hali yetib kelinmagan”, — dedi Rossiya olimpiya qo‘mitasi huquq boshqarmasi rahbari Aleksandra Brilliantova.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)