Amazon daromadlari haqidagi ma’lumotlar e’lon qilingandan keyingi bir soat ichida, 27-oktabr, payshanba kuni kechki payt internet-kompaniya asoschisi va bosh ijrochi direktori Jeff Bezosning mol-mulki 3,2 milliard dollarga kamaydi. Bu haqda “RBK” xabar bermoqda.
Shu kuni Amazon joriy yil uchinchi choragida sof foyda 252 million dollar yoki har bir aksiya uchun 0,52 dollarni tashkil etgani ma’lum qilingan hisobotni taqdim etdi. Tahlilchilar bu ko‘rsatkich 0,78 dollarga teng bo‘lishini kutgandi.
Mazkur yangilik asnosida kompaniya qimmatli qog‘ozlari NASDAQ birjasida 27-oktabr, payshanba kuni bo‘lib o‘tgan savdolar chog‘ida 5,7 foizga arzonladi va bir dona aksiya narxi 818,36 dollardan 772 dollargacha pasaydi.
Bezos 1997-yilda 1,6 milliard dollar bilan badavlat amerikaliklar reytingiga kirgandi. O‘shandan beri Amazon aksiyalari 54 ming foizdan ko‘proqqa qimmatlashdi va Bezos joriy yil oktabr oyida 67 milliard dollar bilan Forbes ro‘yxatida Bill Geytsdan keyingi ikkinchi o‘rinni egallagandi.
Izoh (0)