Мадриднинг «Реал» футбол клуби ўз стадионида енгил ўрта вазн тоифасида жаҳон чемпиони ҳисобланган ирландиялик Конор Макгрегор иштирокида UFC жангларини ўтказишдан манфаатдор. Бу ҳақда, «Реал Мадрид»даги манбаларга асосланиб, News Talk хабар бермоқда.
«ТАСС»нинг ёзишича, Макгрегорнинг кейинги жанги америкалик Эдди Алваресга қарши 12 ноябрь куни Нью-Йоркда бўлиб ўтади. Бироқ Макгрегор яқин келажакда АҚШда ортиқ жанг ўтказишни истамаяпти.
Макгрегор ўз жанглари Ирландияда бўлмаса ҳам, камида Европада ўтказилиши тарафдори — бу унинг, биринчи галда, Ирландиядаги мухлислари учун енгиллик туғдирган бўларди.
Маълум бўлишича, ирландияликлар ўз ватандоши иштирокидаги жангларни томоша қилиш учун камида 2 минг доллар сарфлаб АҚШга сафарга қилишга мажбур.
News Talk’нинг хабар беришича, «Реал Мадрид» 80 минг томошабинга мўлжалланган «Сантьяго Бернабеу» номли ўз стадионида UFC жанглари ўтказилишидан хурсанд бўлади.
Испанлар Макгрегор иштирокидаги жанг оқшомини май — июль ойлари оралиғида уюштиришни таклиф қилмоқда.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)