MDH hukumat rahbarlari kengashining 28-oktabr kuni Minskda bo‘lib o‘tadigan yig‘ilishida mayda va joriy masalalar ko‘rib chiqilmaydi. Bu haqda “Vestnik Kavkaza” xabar bermoqda.
Tashkilot Ijroiya qo‘mitasining iqtisodiy hamkorlik departamenti direktori Andrey Kushnirenkoning so‘zlariga ko‘ra, bosh vazirlar uchrashuvida birinchi marta iqtisodiy masalalar ustuvorlik qiladi
Yig‘ilishda ko‘riladigan birinchi asosiy masala – 2011-yil 18-oktabrda imzolangan va hozirda MDHning 11 mamlakatidan 9 tasi qabul qilgan MDH Erkin savdo hududi to‘g‘risidagi bitimning amalga oshirilishidir.
Bundan tashqari, shu vaqtgacha tashkilot doirasida hech bir munosabatlar o‘rnatilmagan to‘rt soha – tog‘-metallurgiya, avtomobilsozlik, kontrafakt mahsulotlarga qarshi kurash sohalari, shuningdek, o‘simliklar karantini sohasida hamkorlik qilish bo‘yicha bitimlar imzolanishi kutilmoqda.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)