Davlat rahbarlarining shaxsiy oshpazlari o‘zlari tomonidan asos solingan klubning navbatdagi qurultoyini o‘tkazish uchun Hindiston poytaxti Dehlida uchrashdi. Bu haqda “Interfaks” xabar bermoqda.
1977-yili Parijda asos solingan Club des Chefs des Chefs klubining yillik tadbiri har yili jahonning turli mamlakatlarida bo‘lib o‘tadi.
Dehlida bo‘layotgan qurultoyda jahonning 20 dan ortiq mamlakatidan kelgan mehmonlarni Hindiston bosh vaziri Narendra Modining oshpazi Montu Saini mehmon qilmoqda. Modining o‘zi ham bosh oshpazlarni shaxsan olqishlagan.
Mehmonlar orasida Oq uy oshxonasi rahbari Kristeta Kromfort va Buyuk Britaniya qirolichasi Yelizaveta Ikkinchining shaxsiy oshpazi Mark Flenagan borligi aytilmoqda.
“Barcha prezidentlar bir-biri bilan uchrashgan. Bosh oshpazlarning ham o‘ziga xos G20 tashkiloti bo‘lsa, yomon bo‘lmasdi, deb o‘ylab qoldim. Siyosat odamlarni bir-biridan ajratadi, taomga to‘la stol esa — birlashtiradi”, — dedi klub asoschisi Jil Bragar tadbir ochilishida.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)