МДҲ ҳукумат раҳбарлари кенгашининг 28 октябрь куни Минскда бўлиб ўтадиган йиғилишида майда ва жорий масалалар кўриб чиқилмайди. Бу ҳақда «Вестник Кавказа» хабар бермоқда.
Ташкилот Ижроия қўмитасининг иқтисодий ҳамкорлик департаменти директори Андрей Кушниренконинг сўзларига кўра, бош вазирлар учрашувида биринчи марта иқтисодий масалалар устуворлик қилади
Йиғилишда кўриладиган биринчи асосий масала – 2011 йил 18 октябрда имзоланган ва ҳозирда МДҲнинг 11 мамлакатидан 9 таси қабул қилган МДҲ Эркин савдо ҳудуди тўғрисидаги битимнинг амалга оширилишидир.
Бундан ташқари, шу вақтгача ташкилот доирасида ҳеч бир муносабатлар ўрнатилмаган тўрт соҳа – тоғ-металлургия, автомобилсозлик, контрафакт маҳсулотларга қарши кураш соҳалари, шунингдек, ўсимликлар карантини соҳасида ҳамкорлик қилиш бўйича битимлар имзоланиши кутилмоқда.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)