Yaponiyada 2015-yilda aholi soni kamaygani qayd etildi. Bu haqda, Yaponiya ma’muriy ishlar va kommunikatsiyalar vazirligiga asoslanib, “TASS” xabar bermoqda.
Qayd etishlaricha, 2015-yilda Yaponiya aholisi soni so‘nggi bor shunday tadqiqot o‘tkazilgan vaqt — 2010-yilga nisbatan 0,8 foizga kamaygan va 127 million 95 ming kishini tashkil etgan.
Hukumat shunday statistik ma’lumotlarni to‘plashni boshlagan 1920-yildan beri birinchi marta Yaponiya aholisi soni kamaygani qayd etilmoqda.
Qarish va demografik tushkunlik Yaponiyadagi eng o‘tkir ijtimoiy muammolardan biri hisoblanadi. Buning asosiy sababi — tug‘ilish darajasining pastligi va hayot davomiyliginining yuqoriligidir.
Shu sababli ham Yaponiya umumiy aholisi sonida bolalarning ulushi muntazam ravishda qisqarib bormoqda. Keksalar ulushi, aksincha, borgan sari ko‘paymoqda.
Xususan, so‘nggi tadqiqotlarga ko‘ra, 2015-yilda 65 va undan katta yoshdagi yaponiyaliklar soni 33,42 million kishini yoki mamlakat aholisining 26,7 foizini tashkil etgan.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)