Venesuela parlamenti davlat to‘ntarishi haqida e’lon qildi

Venesuelada mamlakat prezidenti Nikolas Maduro davlat to‘ntarishining tashkilotchisi deb e’lon qilindi, deb yozadi “Vesti.ru”.

Muxolifatning o‘rni ko‘pchilikni tashkil qilgan parlamentning shoshilinch sessiyasida amaldagi davlat rahbari Konstitutsiyani buzishda ayblandi.

Muxolifatning fikricha, Maduro impichment bo‘yicha referendumni to‘xtatib qo‘ygan. Shu munosabat bilan muxolifatchilar ommaviy norozilik namoyishi tayyorlanayotganligi haqida ma’lum qildi.

Avvalroq Venesuela parlamenti ijro hokimiyatini konstitutsiyaviy tuzumni buzishda ayblab, mamlakat prezidenti Nikolas Maduroga nisbatan impichment jarayonini boshlash rejasi haqida ma’lum qilganligi haqida xabar berilgan edi.