Britaniyadagi Foxy Lodge jonivorlarni qutqarish markazida Nelson laqabli kalbosh tipratikan, terisi mayinligicha qolishi uchun, har kuni bodom yog‘i bilan massaj qilinadi. Bu haqda TJournal xabar bermoqda.
Veterinarlarning aytishicha, shu yo‘l bilan tipratikanning tikanlari yana o‘sib chiqishi mumkin. Ularning taxminicha, jonivor o‘z tikanlarini stress yoki yovvoyi tabiatdagi jarohat sabab yo‘qotgan.
Hozircha veterinarlarning urinishlari hech qanday samara bergani yo‘q. Markaz rahbarining taxminicha, Nelson umrining oxirigacha Foxy Lodge’da qolishi mumkin, chunki ignalarsiz u tabiiy sharoitlarda yashay olmaydi.
Markazda bundan avval ham yuzlab tipratikanlarga g‘amxo‘rlik ko‘rsatilgan. Ular orasida tikanlarining bir qismidan ayrilgan jonivorlar bor edi, biroq butkul kal tipratikanga ular ham birinchi marta guvoh bo‘lmoqda.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)