Видео: Бадани ҳар куни бодом ёғи билан массаж қилинадиган калбош типратикан

Британиядаги Foxy Lodge жониворларни қутқариш марказида Нелсон лақабли калбош типратикан, териси майинлигича қолиши учун, ҳар куни бодом ёғи билан массаж қилинади. Бу ҳақда TJournal хабар бермоқда.

Ветеринарларнинг айтишича, шу йўл билан типратиканнинг тиканлари яна ўсиб чиқиши мумкин. Уларнинг тахминича, жонивор ўз тиканларини стресс ёки ёввойи табиатдаги жароҳат сабаб йўқотган.

Ҳозирча ветеринарларнинг уринишлари ҳеч қандай самара бергани йўқ. Марказ раҳбарининг тахминича, Нелсон умрининг охиригача Foxy Lodge’да қолиши мумкин, чунки игналарсиз у табиий шароитларда яшай олмайди.

Марказда бундан аввал ҳам юзлаб типратиканларга ғамхўрлик кўрсатилган. Улар орасида тиканларининг бир қисмидан айрилган жониворлар бор эди, бироқ буткул кал типратиканга улар ҳам биринчи марта гувоҳ бўлмоқда.

Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.