O‘zbekistonning sobiq xalq ta’limi vaziri O‘zMU rektori etib tayinlandi

O‘zbekiston milliy universiteti rektori o‘zgardi. Oliygoh saytidagi axborotga ko‘ra, texnika fanlari doktori, professor Avazjon Marahimov O‘zMUning yangi rektori sifatida ish boshlagan.

Avazjon Marahimov rektor lavozimida Abdurahim Abdushukurovni almashtirdi. Abdushukurov 2016-yil may oyida — undan avvalgi rektor Shuhrat Sirojiddinov yangi tashkil etilgan O‘zbek tili va adabiyoti universitetiga boshliq etib tayinlanganidan so‘ng O‘zMU rahbari sifatida ishga kirishgan edi.

Ma’lumot uchun, Avazjon Marahimov 2010—2011-yillarda O‘zbekiston Xalq ta’limi vazirligiga rahbarlik qilgan, undan avval esa oliy va o‘rta maxsus ta’lim vaziri o‘rinbosari sifatida mehnat qilgan.

Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.