Xodimlari Toshkentda doimiy propiska olishi mumkin bo‘lgan 59 tashkilot va kompaniya. To‘liq ro‘yxat

O‘zbekiston bosh vaziri Shavkat Mirziyoyev 7-oktabr kuni “O‘zbekiston Respublikasi fuqarolarini, chet el fuqarolari va fuqaroligi bo‘lmagan shaxslarni Toshkent shahri va Toshkent viloyatida doimiy propiska qilish tartibini yanada takomillashtirish chora-tadbirlari to‘g‘risida”gi qarorni imzoladi.

Mazkur qaror bilan rahbarlari xodimlarni Toshkent shahri va Toshkent viloyatida doimiy propiska qilish to‘g‘risida iltimosnoma kiritishi mumkin bo‘lgan davlat hokimiyati organlari, davlat va xo‘jalik boshqaruvi organlari, respublika ahamiyatiga molik boshqa davlat tashkilotlari ro‘yxati tasdiqlandi.

59 tashkilot va kompaniya kiritilgan ro‘yxatning to‘liq ko‘rinishi bilan quyida tanishishingiz mumkin:

1. O‘zbekiston Prezidenti devoni.
2. O‘zbekiston Oliy Majlisi palatalari.
3. O‘zbekiston Vazirlar Mahkamasi.
4. O‘zbekiston Konstitutsiyaviy sudi.
5. O‘zbekiston Oliy sudi.
6. O‘zbekiston Oliy xo‘jalik sudi.
7. O‘zbekiston Bosh prokuraturasi*.
8. O‘zbekiston Milliy xavfsizlik xizmati*.
9. Markaziy saylov komissiyasi.
10. O‘zbekiston Markaziy banki.
11. O‘zbekiston Hisob palatasi.
12. Toshkent shahri hokimligi.
13. Toshkent viloyati hokimligi.
14. O‘zbekiston Iqtisodiyot vazirligi.
15. O‘zbekiston Moliya vazirligi.
16. O‘zbekiston Qishloq va suv xo‘jaligi vazirligi.
17. O‘zbekiston Mehnat vazirligi.
18. O‘zbekiston Oliy va o‘rta maxsus ta’lim vazirligi.
19. O‘zbekiston Xalq ta’limi vazirligi.
20. O‘zbekiston Sog‘liqni saqlash vazirligi.
21. O‘zbekiston Madaniyat va sport ishlari vazirligi.
22. O‘zbekiston Mudofaa vazirligi.
23. O‘zbekiston Ichki ishlar vazirligi*.
24. O‘zbekiston Favqulodda vaziyatlar vazirligi.
25. O‘zbekiston Tashqi ishlar vazirligi.
26. O‘zbekiston Adliya vazirligi*.
27. O‘zbekiston Tashqi iqtisodiy aloqalar, investitsiyalar va savdo vazirligi.
28. O‘zbekiston Axborot texnologiyalari va kommunikatsiyalarini rivojlantirish vazirligi.
29. O‘zbekiston Davlat statistika qo‘mitasi.
30. O‘zbekiston Xususiylashtirish, monopoliyadan chiqarish va raqobatni rivojlantirish davlat qo‘mitasi.
31. O‘zbekiston Davlat soliq qo‘mitasi.
32. O‘zbekiston Davlat bojxona qo‘mitasi.
33. O‘zbekiston Tabiatni muhofaza qilish davlat qo‘mitasi.
34. O‘zbekiston Davlat geologiya va mineral resurslar qo‘mitasi.
35. O‘zbekiston Davlat arxitektura va qurilish qo‘mitasi.
36. O‘zbekiston Yer resurslari, geodeziya, kartografiya va davlat kadastri davlat qo‘mitasi.
37. O‘zbekiston matbuot va axborot agentligi.
38. O‘zbekiston standartlashtirish, metrologiya va sertifikatlashtirish agentligi.
39. O‘zbekiston “O‘zkommunxizmat” agentligi.
40. O‘zbekiston Avtomobil va daryo transporti agentligi.
41. O‘zbekiston Intellektual mulk agentligi.
42. “O‘zarxiv” agentligi.
43. Vazirlar Mahkamasi huzuridagi Davlat zaxiralarini boshqarish qo‘mitasi.
44. Vazirlar Mahkamasi huzuridagi Din ishlari bo‘yicha qo‘mita.
45. O‘zbekiston Parvozlar xavfsizligini nazorat qilish davlat inspeksiyasi.
46. O‘zbekiston Temiryo‘llarda yuk va yo‘lovchilar tashish xavfsizligini nazorat qilish davlat inspeksiyasi.
47. “O‘zbekneftgaz” milliy xolding kompaniyasi.
48. “O‘zbekenergo” aksiyadorlik jamiyati.
49. “O‘zkimyosanoat” aksiyadorlik jamiyati.
50. “O‘zbekiston temir yo‘llari” aksiyadorlik jamiyati.
51. “O‘zdonmahsulot” aksiyadorlik kompaniyasi.
52. “O‘zavtosanoat” aksiyadorlik kompaniyasi.
53. “O‘zpaxtasanoateksport” xolding kompaniyasi.
54. “O‘zbekoziqovqatxolding” xolding kompaniyasi.
55. “O‘zavtoyo‘l” avtomobil yo‘llari qurish va foydalanish davlat-aksiyadorlik kompaniyasi.
56. “O‘zbekiston havo yo‘llari” milliy aviakompaniyasi.
57. O‘zbekiston milliy teleradiokompaniyasi.
58. O‘zbekiston Fanlar akademiyasi.
59. “Olmaliq kon-metallurgiya kombinati” aksiyadorlik jamiyati.

Izoh

1, 2 va 3-bandlarda ko‘rsatilgan davlat hokimiyati organlari (O‘zbekiston Prezidenti devoni, O‘zbekiston Oliy Majlisi palatalari va O‘zbekiston Vazirlar Mahkamasi) apparatlari xodimlarini Toshkent shahrida va Toshkent viloyatida doimiy propiska qilish to‘g‘risidagi iltimosnoma O‘zbekiston Prezidentining Davlat maslahatchilari, O‘zbekiston Prezidenti devoni Ishlar boshqaruvchisi, O‘zbekiston Oliy Majlisi Senati Raisi va Qonunchilik palatasi Spikeri (ular joyida bo‘lmaganda — ularning o‘rinbosarlari), shuningdek tegishli ravishda O‘zbekiston Bosh vazirining o‘rinbosarlari va O‘zbekiston Vazirlar Mahkamasi Apparatining boshqaruvchisi tomonidan imzolanadi.

* 7, 8, 23 va 26-bandlarda ko‘rsatilgan davlat hokimiyati organlari apparatlari xodimlarini Toshkent shahrida va Toshkent viloyatida doimiy propiska qilish to‘g‘risidagi iltimosnoma tegishli ravishda ushbu organlar rahbarlarining o‘rinbosarlari tomonidan ham imzolanadi.

Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.