1-noyabrdan Toshkent aholisi va tashkilotlaridan qattiq maishiy va suyuq holdagi chiqindilarni olib chiqib ketish tariflari 6,6 foizga qimmatlashadi. Bu haqda “Maxsustrans” boshqarmasi ma’lum qildi, deya xabar beradi “Gazeta.uz”.
Aholi uchun maishiy chiqindilarni olib chiqib ketish narxi har bir kishi uchun bir oyga 3000 so‘mdan 3200 so‘mga oshiriladi.
Budjet va xo‘jalik hisobidagi tashkilotlar uchun 1 kub metr qattiq maishiy chiqindini olib chiqib ketish narxi 38390 so‘m (hozirda — 35991), 1 tonna suyuq holdagi chiqindi uchun esa 14346 so‘m (13449,4) etib belgilandi.
Toshkentda oxirgi bor chiqindilarni olib chiqib ketish tariflari may oyida oshirilgandi.
Izoh (0)