Malayziya rasmiylari 13-oktabr, payshanba kuni Turkiyaga Fathulloh Gulen tarafdorlarining FETO tashkilotiga aloqadorlikda gumon qilinayotgan uch kishini topshirdi. Bu haqda “TASS” xabar bermoqda.
Anadolu agentligiga ko‘ra, gumonlanuvchilarni topshirish to‘g‘risidagi kelishuvga Turkiya tashqi ishlar vaziri Mevlyut Chavusho‘g‘lining Malayziya bosh vaziri Najib Razzoq bilan o‘tgan haftadagi uchrashuvi davomida erishilgan.
Chavusho‘g‘li Turkiya FETO bilan kurashni davom ettirishini tasdiqladi.
“Kurashimiz ham mamlakat ichi, ham chet elda oxirigacha davom etadi. Biz ularni kuzatishni aslo to‘xtatmaymiz”, — deya ta’kidlagan vazir.
Izoh (0)