Мексикада йил давомида 11 нафар журналист ўлдирилди. Бу ҳақда «Корреспондент.net» хабар бермоқда.
«Шимолий ва Жанубий Америкада 2016 йил бошидан бери 20 нафар ҳамкасбимиз ўлдирилди. Улардан 11 нафари Мексикада ҳалок бўлганини маълум қилиш менга жуда қийин ва оғир», — дея таъкидлади Америка матбуот жамияти президенти Пьер Маниго.
Маниго Мексика президенти Энрике Пенья Ньетога мурожаат этар экан, «Жаноб президент, Сиз, албатта, мамлакатдаги ушбу ўрганилмаган ва жазосиз қолаётган қотилликлардан хабардорсиз», дея киноя қилди.
Маълумот учун, 2000 йилдан бери Мексикада 115 нафар журналист ҳалок бўлди, 20 нафари бедарак йўқолди. ОАВларга 50 маротаба ҳужум уюштирилди.
Изоҳ (0)