Yevrokengash rahbari Donald Tusk Buyuk Britaniya Yevroittifoqni tark etish haqidagi qaroridan qaytishi mumkinligini istisno etmadi. Bu haqda u Bryusselda, Yevropa siyosiy markazidagi chiqishi chog‘ida ma’lum qildi, deya xabar beradi “TASS”.
“Mazkur yomon ssenariyning muqobili bormi deb so‘rasangiz, bunga ijobiy javob berishni istardim. Menimcha, Brexit’ga yagona muqobil variant — uning bekor qilinishi. Hatto hozir bunga kimnidir ishontirish qiyin bo‘lsa ham. Men Yevropada referendum natijalaridan qoniqish hosil qilgan biror yetakchini ko‘rmadim”, — deya ta’kidladi Tusk.
Yevrokengash rahbari Buyuk Britaniya Yevroittifoqdan chiqishidan ikki tomon ham jabr chekayotganini bildirib o‘tdi.
Izoh (0)