Nigeriya rasmiylari “Boko Haram” tutqunligidan ozod qilingan 21 nafar o‘quvchi qiz ushbu terrorchi tashkilotning hibsda saqlanayotgan jangarilariga almashtirilgani haqidagi ma’lumotlarni rad etdi. Bu haqda “TASS” xabar bermoqda.
“Bu biz barcha qizlar ozod etilishiga olib kelishiga umid qilayotgan jarayondagi ilk qadam. Jangarilarga qarshi harbiy operatsiya davom ettiriladi”, — deya ta’kidladi mamlakat axborot vaziri Lay Muhammad.
Tutqunlikdagi qizlarning ozod etilishi bo‘yicha kelishuvga Shveysariya va Xalqaro Qizil Xoch tashkiloti vositachiligida o‘tgan Nigeriya rasmiylari hamda “Boko Haram” o‘rtasidagi muzokaralar chog‘ida erishildi. Barcha qizlar qo‘yib yuborilishiga erishish maqsad qilingan muzokaralar davom etmoqda.
Ma’lumot uchun, “Boko Haram” jangarilari 2014-yili Chibok shahridagi litseydan 276 nafar qizni o‘g‘irlab ketgan. Keyinchalik ulardan 57 nafari qochishga muvaffaq bo‘ldi, qolganlari esa esa jangarilar izmida saqlanayotgandi.
Izoh (0)