Еврокенгаш раҳбари Дональд Туск Буюк Британия Евроиттифоқни тарк этиш ҳақидаги қароридан қайтиши мумкинлигини истисно этмади. Бу ҳақда у Брюсселда, Европа сиёсий марказидаги чиқиши чоғида маълум қилди, дея хабар беради «ТАСС».
«Мазкур ёмон сценарийнинг муқобили борми деб сўрасангиз, бунга ижобий жавоб беришни истардим. Менимча, Brexit’га ягона муқобил вариант — унинг бекор қилиниши. Ҳатто ҳозир бунга кимнидир ишонтириш қийин бўлса ҳам. Мен Европада референдум натижаларидан қониқиш ҳосил қилган бирор етакчини кўрмадим», — дея таъкидлади Туск.
Еврокенгаш раҳбари Буюк Британия Евроиттифоқдан чиқишидан икки томон ҳам жабр чекаётганини билдириб ўтди.
Изоҳ (0)