13-oktabr, payshanba kuni O‘zbekistonning ba’zi hududlarida kuchli yog‘ingarchilik va kuchli shamol kuzatiladi. Bu haqda “O‘zgidromet” markazi xabar bermoqda.
Xabar berishlaricha, payshanbaga o‘tar kechasi O‘zbekistonning tog‘li hududlarida havo harorati +3...+8 daraja, Qoraqalpog‘iston Respublikasi va Xorazm viloyatida +5...+10 daraja, Toshkent shahrida +10...+12 daraja, Toshkent, Samarqand, Jizzax, Sirdaryo, Andijon, Namangan, Farg‘ona viloyatlarida +8...+13 daraja, Buxoro, Navoiy viloyatlarida +10...+15 daraja, Qashqadaryo, Surxondaryo viloyatlarida +11...+16 daraja iliq bo‘ladi.
13-oktabr kuni kunduzi mamlakatning tog‘li joylarida +3...+8 daraja, Qoraqalpog‘iston Respublikasi, Xorazm viloyati va Toshkent shahrida +10...+15 daraja, Buxoro, Navoiy, Toshkent, Samarqand, Jizzax, Sirdaryo viloyatlarida +13...+18 daraja, Farg‘ona vodiysi viloyatlarida +18...+23 daraja, Qashqadaryo va Surxondaryo viloyatlarida +19...+24 daraja iliq bo‘lishi kutilmoqda.
“O‘zgidromet” axborotiga ko‘ra, 13-oktabrga o‘tar kechasi va 13-oktabr kunduzi Qashqadaryo va Surxondaryo viloyatlarida shamolning tezligi soniyasiga 15—20 metrgacha kuchayishi mumkin, mamlakatning tog‘li hududlarida, Buxoro, Navoiy, Toshkent, Samarqand, Jizzax, Sirdaryo viloyatlari va Toshkent shahrida kuchli shamoldan tashqari, yomg‘ir ham yog‘ishi kutilmoqda.
Markazdan xabar berishlaricha, Qoraqalpog‘iston Respublikasi, Xorazm, Andijon, Namangan va Farg‘ona viloyatlarida yomg‘ir yog‘ishi va shamolning tezligi kuchayishi kutilmayapti.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)