13 октябрь, пайшанба куни Ўзбекистоннинг баъзи ҳудудларида кучли ёғингарчилик ва кучли шамол кузатилади. Бу ҳақда «Ўзгидромет» маркази хабар бермоқда.
Хабар беришларича, пайшанбага ўтар кечаси Ўзбекистоннинг тоғли ҳудудларида ҳаво ҳарорати +3...+8 даража, Қорақалпоғистон Республикаси ва Хоразм вилоятида +5...+10 даража, Тошкент шаҳрида +10...+12 даража, Тошкент, Самарқанд, Жиззах, Сирдарё, Андижон, Наманган, Фарғона вилоятларида +8...+13 даража, Бухоро, Навоий вилоятларида +10...+15 даража, Қашқадарё, Сурхондарё вилоятларида +11...+16 даража илиқ бўлади.
13 октябрь куни кундузи мамлакатнинг тоғли жойларида +3...+8 даража, Қорақалпоғистон Республикаси, Хоразм вилояти ва Тошкент шаҳрида +10...+15 даража, Бухоро, Навоий, Тошкент, Самарқанд, Жиззах, Сирдарё вилоятларида +13...+18 даража, Фарғона водийси вилоятларида +18...+23 даража, Қашқадарё ва Сурхондарё вилоятларида +19...+24 даража илиқ бўлиши кутилмоқда.
«Ўзгидромет» ахборотига кўра, 13 октябрга ўтар кечаси ва 13 октябрь кундузи Қашқадарё ва Сурхондарё вилоятларида шамолнинг тезлиги сониясига 15—20 метргача кучайиши мумкин, мамлакатнинг тоғли ҳудудларида, Бухоро, Навоий, Тошкент, Самарқанд, Жиззах, Сирдарё вилоятлари ва Тошкент шаҳрида кучли шамолдан ташқари, ёмғир ҳам ёғиши кутилмоқда.
Марказдан хабар беришларича, Қорақалпоғистон Республикаси, Хоразм, Андижон, Наманган ва Фарғона вилоятларида ёмғир ёғиши ва шамолнинг тезлиги кучайиши кутилмаяпти.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)