Xitoyni mag‘lub etgan o‘zbek futbolchilari, butun O‘zbekiston bo‘ylab kutilayotgan yog‘ingarchilik, dunyodagi eng chiroyli chehra va kunning boshqa qiziqarli xabarlari

11-oktabrning e’tiborga molik yangiliklari — “Daryo”ning kechki dayjestida.

1. Xitoyni mag‘lub etgan O‘zbekiston milliy terma jamoasi guruh peshqadamiga aylanib oldi. O‘zbekistonga qarshi mag‘lubiyatdan keyin Xitoy bosh murabbiyi o‘zbekistonlik jurnalistlar qarshisida iste’fo berdi.

2. 13—14-oktabrda butun O‘zbekiston bo‘ylab yog‘ingarchilik va kuchli shamol kuzatiladi. Xuddi shu kunlari O‘zbekistonning tog‘li hududlarida sel kelishi xavfi bor.

3. Foto: San’atkorlar — paxta yig‘im-terimida. “Paxta yig‘im-terimida shou-biznes vakillari ham faol ishtirok etib, terimchilarni kuy-qo‘shiqlari bilan qo‘llab-quvvatlashmoqda”.

4. “Dunyodagi eng chiroyli chehra” tanlovida rossiyalik qiz g‘olib bo‘ldi. Undan keyingi uchta o‘rin Zambiya, Filippin va Mo‘g‘uliston vakilalariga nasib etdi.

5. Eronlik futbol ishqibozlariga Ashuro kuni tufayli Janubiy Koreyaga qarshi uchrashuvda xursand bo‘lish taqiqlandi. “Muhit Ashuro kuniga 100 foiz mos kelishi lozim. Butun stadion qoraga burkanadi. Olomon qarsak chalish o‘rniga ‘Yo Husayn’ deb qichqirishi lozim”.

Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.