Joriy yil 18-iyul kuni Inchon shahridagi Paradise City majmuasida Blue Dragon Series Awards mukofotining to‘rtinchi marosimi bo‘lib o‘tdi. Ko‘plab koreys shou-biznesi va kino ixlosmandlari fikriga ko‘ra, bu galgi tadbir so‘nggi yillardagi eng yaxshi taqdirlash marosimlaridan biri bo‘ldi.
Foto: Kp.ru
Bosh mukofotga “Hayot sizga mandarin berganda” nomli dorama sazovor bo‘ldi. Bu g‘alaba hech kimda hayrat uyg‘otmadi, chunki serial allaqachon 2025-yilning eng mashhur loyihalaridan biri sifatida e’tirof etildi. Serial yulduzi Ayyu (Li Ji In) esa “Eng yaxshi aktrisa” nominatsiyasida g‘olib bo‘ldi.
Bundan tashqari, quyidagi g‘oliblar e’lon qilindi:
“Eng yaxshi dorama” — “Travmatologiya markazi”
“Eng yaxshi yangi aktyor” — Chu Yong U
“Eng yaxshi aktyor” — Chu Ji Xun (“Travmatologiya markazi”)
“Eng yaxshi yangi aktrisa” — Kim Min Xa (“O‘limimdan bir hafta avval”)
“Eng yaxshi ikkinchi darajadagi aktyor” — Li Gvan Su (“Karma”)
“Eng yaxshi ikkinchi darajadagi aktrisa” — Yom Xyo Ran (“Hayot sizga mandarin berganda”)
Foto: Aydol
Blue Dragon Series Awards — bu Koreya kino sanoatida OTT (onlayn translyatsiya platformalari) orqali namoyish etilgan serial va shoular uchun ta’sis etilgan yillik mukofotdir. U 2022-yildan beri o‘tkaziladi va Koreya kino jurnalistlari uyushmasi tomonidan tashkil etilgan. Mukofot uchun Netflix, Disney+, TVING, Wavve, Coupang Play, U+ Mobile TV kabi platformalarda namoyish etilgan asarlar orasida eng yaxshilari tanlanadi.
Izoh (0)