“Jizzax hududiy elektr tarmoqlari korxonasi” aksiyadorlik jamiyati tizimida 2016—2017-yillar kuz—qish mavsumiga tayyorgarlik ko‘rish bo‘yicha tasdiqlangan rejaga muvofiq, joriy yilda 259 transformator mukammal ta’mirlandi. Bu haqda O‘zA xabar bermoqda.
Joriy yilning o‘tgan davrida Jizzax viloyatida yangi elektr tarmoqlari barpo etishda 890 million so‘mlikdan ziyod qurilish-montaj ishlari bajarildi. 9,8 kilometr elektr uzatish tarmog‘i yangidan qurilib, 12 ta transformator punkti o‘rnatildi.
Mavsumga tayyorgarlik ko‘rish doirasida 2 nimstansiya, qariyb 5 ming kilometr havo tarmoqlari va 823 transformator punkti joriy va mukammal ta’mirlandi. O‘ta katta yuklanish bilan ishlayotgan transformatorlardan 12 tasi yuqori quvvatlisiga almashtirildi.
Qish mavsumida almashtirish zarur bo‘lgan jihoz va materiallar zaxirasini yaratishga alohida e’tibor qaratilmoqda. Hozirga qadar 13 transformator, 55 tonna transformator moyi zaxiraga qo‘yildi.
Kuz—qish mavsumida iste’molchilarni elektr energiyasi bilan uzluksiz ta’minlash maqsadida shahar va tuman elektr ta’minoti korxonalari xodimlaridan iborat 52 tezkor brigada tashkil etilib, 15 ta Damas va 6 ta yuk avtomashinasi shay holatga keltirildi.
Izoh (0)