Gaitida “Mettyu” dovuli qurbonlari soni 339 nafarga yetdi. Bu haqda mahalliy hukumatga tayanib, Reuters agentligi ma’lum qildi, deb yozadi “Gazeta.ru”.
Oxirgi ma’lumotlarga qaraganda, “Mettyu” dovulining tezligi soatiga 210 kilometrni tashkil etmoqda. Uning kuchi to‘rtinchi daraja bilan baholangan.
Dovul AQSh tomonga harakatlanayotganligi ta’kidlanmoqda. U birinchi bo‘lib Florida shtatiga zarba beradi. Shtatning eng yirik shahri — Jeksonvill meri aholini evakuatsiya qilishga chaqirdi.
Izoh (0)