Kataloniya parlamenti 6-oktabr, payshanba kuni avtonomiya mustaqilligi yuzasidan referendumni kechi bilan kelgusi yil sentabrida o‘tkazish to‘g‘risidagi rezolyutsiyani ma’qulladi. Bu haqda “TASS” xabar bermoqda.
Ovoz berish chog‘ida mazkur tashabbusni parlamentdagi 135 o‘rindan 72 tasiga ega “Birgalikda ha” va “Xalq yakdilligi uchun nomzodlar” ayirmachilar koalitsiyasi qo‘llab-quvvatladi. Sotsialistlar, markazchilar va konservatorlar referendumga qarshi chiqdi, so‘llar ovoz berishdan tiyildi.
Oldinroq Kataloniya hukumati raisi Karles Puchdemon avtonomiya mustaqilligi bo‘yicha referendum o‘tkazilishini Madrid bilan kelishishga harakat qilayotganini ma’lum qilgandi. Biroq Ispaniya hukumati raisining o‘rinbosari vazifasini bajaruvchi Sorayya Sayens de Santamariya mamlakat rasmiylari referendum yuzasidan hech qanday kelishuvlar tuzmasligini bildirdi.
Izoh (0)