Turkiya armiyasi 3-oktabr, dushanba kuni “Frot qalqoni” operatsiyasi doirasida Suriya shimolida IShIDning 80 ta obyektiga 219 marta artilleriya zarbasi berdi. Bu haqda mamlakat qurolli kuchlari bosh shtabi ma’lum qildi, deya xabar bermoqda “RIA Novosti”.
“IShID marralariga ‘Firtina’ gaubitsalaridan 199, yalpi o‘t ochish reaktiv tizimlaridan 20 marta zarba berildi. Terrorchilarning 4 ta artilleriya qurilmasi, qurol-aslaha ortgan 4 ta yuk mashinasi va 3 ta mototsikl yakson qilindi”, — deyiladi shtab xabarida.
Koalitsiya aviatsiyasi shimoliy Suriyaning Aktarin, Go‘zal Mezra va Turkman Bari tumanlaridagi IShID obyektlariga 9 marta zarba bergani, buning natijasida terrorchilarga mansub ikki bino va 12 nafar jangari yo‘q qilingani bildirilmoqda.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Izoh (0)