2-oktabr kuni Moskvada Hyundai Solaris yengil avtomobili avtobus bekatidagi to‘rt kishini urib ketdi, deb yozadi TJournal. Hodisa natijasida uch kishi halok bo‘ldi, yana bir kishi — jabrlandi.
Life aniqlik kiritishicha, qurbonlar orasida 13 yoshli qiz va “o‘rta yoshlardagi erkak” bor. Dastlab mashina haydovchisi avariya joyidan qochib qolgani xabar qilindi, ammo keyinroq uni shu yaqin atrofda shok holatida izg‘ib yurganida ko‘rib qolishdi va qo‘lga olishdi.
Nashr yozishicha, fojia joyidan olingan kadrlarda bekatga kelib urilgan avtomobil karshering xizmatiga tegishli ekanligini ko‘rish mumkin. Uning korpusiga “Delimobil” kompaniyasi ramzi tushirilgan.
Daqiqabay haq to‘lanadigan servis avtomobillaridan 21 yoshdan oshgan va kamida ikki yillik haydovchilik tajribasiga ega kishilar foydalanishi mumkin.
Izoh (0)