Gruziyaning Ajariya muxtor respublikasi hududida bir necha kundan beri davom etayotgan shiddatli yomg‘irlar mahalliy aholi va mehmonlar uchun jiddiy muammolar tug‘dirmoqda. Bu haqda “Interfaks” xabar berdi.
Ofat, xususan, Xelvachaur, Ked va Shuaxev munitsipalitetlariga katta zarar yetkazdi: ko‘chki va sel oqimlari, o‘zanidan chiqqan daryolar qishloq yo‘llarini vayron qildi, o‘nlab oilalarni tashqi dunyodan uzib qo‘ydi, ulardan ayrimlarini evakuatsiya etishga to‘g‘ri keldi.
Ked munitsipalitetida niderlandiyalik sayyoh, 67 yoshli Ralf Otten ofat qurboni bo‘ldi. U Maxunseti ko‘prigi oldidagi sohilda turib fotoapparatda suratga tushirayotganida daryoga tushib ketdi.
Mamlakat IIV qutqaruv xizmatlari hodisa joyiga safarbar etildi. Ular g‘avvoslar bilan birgalikda sayyoh jasadini qidirishda davom etmoqda.
Izoh (0)