1-oktabr, shanba kunidan boshlab dunyoda avvalgidek 4 emas, 5 ta zaxira valyutasi rasman qo‘llana boshlanadi. AQSh, Yevropa, Buyuk Britaniya va Yaponiya pul birliklari qatoriga Xitoy valyutasi ham qo‘shildi. Bu haqda “Korrespondent.net” xabar bermoqda.
Xalqaro valyuta jamg‘armasi (XVJ) 2015-yil 30-noyabr kuni rasmiy Pekinning talabnomasini qondirib, 10 oydan so‘ng yuanni o‘zining valyuta savatchasiga qo‘shishi haqida qaror qabul qilgan edi.
Yuan salkam 11 foiz ulush bilan savatchada darhol uchinchi o‘rinni egalladi.Dollar 40 foiz darajasida qoldi, yevroning ulushi esa 37 dan 31 foizgacha kamaydi.
Izoh (0)