Rossiyaning “Vneshekonombank” (VEB) davlat banki 2016-yil oxirigacha Rossiyadagi hududiy vakolatxonalarini yopib, hududlar bilan mahalliy taraqqiyot institutlari orqali hamkorlik qilmoqchi. Bu haqda VEB rahbari Sergey Gorkov ma’lum qildi, deb yozadi “Interfaks”.
Uning so‘zlariga ko‘ra, VEB hamma joyda o‘z vakolatxonalariga ega bo‘lishi shart emas. “Har bitta viloyatda odatda taraqqiyot kompaniyasi yoki korporatsiyasi, yoki taraqqiyot ofisi bor. Bizning fikrimizcha, bu hamkorlikda ishlash uchun yaxshi imkoniyat, yaxshi manba”, — dedi davlat korporatsiyasi rahbari.
“Umuman olganda, biz tarmoqning aynan shu turida hech qanday mantiqni ko‘rmayapmiz, chunki u asosan aynan vakolatchilik funksiyalarini bajarib, ma’lum sarf-xarajatlarni keltirib chiqarardi, ofis, mashina va shu kabilarni egallardi. Biz o‘ylashimizcha, bu unchalik to‘g‘ri sxema emas”, — dedi Gorkov. Uning eslatishicha, ayni paytda VEBning Rossiyada yettita vakolatxonasi bor.
Izoh (0)