1 октябрь, шанба кунидан бошлаб дунёда аввалгидек 4 эмас, 5 та захира валютаси расман қўллана бошланади. АҚШ, Европа, Буюк Британия ва Япония пул бирликлари қаторига Хитой валютаси ҳам қўшилди. Бу ҳақда «Корреспондент.net» хабар бермоқда.
Халқаро валюта жамғармаси 2015 йил 30 ноябрь куни расмий Пекиннинг талабномасини қондириб, 10 ойдан сўнг юанни ўзининг валюта саватчасига қўшиши ҳақида қарор қабул қилган эди.
Юань салкам 11 фоиз улуш билан саватчада дарҳол учинчи ўринни эгаллади.Доллар 40 фоиз даражасида қолди, евронинг улуши эса 37 дан 31 фоизгача камайди.
Изоҳ (0)