Har yili faqat Amerika kinematografiyasining o‘zi o‘rtacha 700 dan ortiq yangi film chiqaradi. Shu bois oddiy tomoshabinda bularning barchasini ko‘rishga ham, hatto yarmini chuqur tushunib olishga ham vaqt topilmaydi. Bu filmlarning ayrimlari turli xil ishoralar va yashirin ma’nolarga to‘la bo‘lib, zukko tomoshabinlargina ularni payqab oladi.
- “Lochin va Qishki askar” (2021) serialida qasoskorlarning eski dushmanlaridan biri, qamoqxonada o‘tirgan baron Helmut Zemoning kitob javonida Aleksandr Pushkinning asl nusxadagi kitobini ko‘rish mumkin.
- “Garri Potter va ajal tuhfalari. 1-qism” (2010) filmidagi magllar oilasining gazetadagi surati boshqa fotosuratlar singari harakatlanmaydi. Buning sababi kadr magllar kamerasida olingan.
- “Kapitan Amerika” (2016) filmida Kapitan Amerika qalqonidagi izlar Qora Pantera tirnoqlaridan qolgan tirnalishlar ekanligini payqash mumkin. Buning sababi shundaki, qalqon ham, tirnoqlar ham vibraniumdan tayyorlangan.
- “Hayvonlar shahri” (2016) filmida kapitan Buyvolson hujjatlarni o‘qiyotgan paytda ko‘zoynak taqadi. Bu qo‘toslarning aslida ko‘rish qobiliyati yomon ekanligiga ishora qiladi.
- “Yaxshi bo‘lish osonmi” multfilmida qizlar konsertiga chipta raqami (072069S) Oyga birinchi marotaba qo‘nish sanasiga — 1969-yil 20-iyulga ishora qiladi. Bu chipta aynan Oy o‘g‘irlanayotgan paytda ko‘rsatiladi.
- “Amerika tarixi” (1986) filmida Ozodlik haykalining rangi tarixiy jihatdan to‘g‘ri tasvirlangan. Multfilm voqealari 1885-yilda haykal endigina qurib bitkazilgan paytda sodir bo‘ladi. 1900-yildan keyinroq esa haykal oksidlanish natijasida yashil tusga kirgan.
- 2017-yilgi “Yulduzlar urushi: So‘nggi jedaylar” filmida Mark Hemill (Lyuk Skayvoker rolini ijro etgan aktyor)ning uchala farzandi qarshilik harakati jangchilari rolini o‘ynagan. Chapdan o‘ngga: Natan Hemill, Chelsi Hemill va Griffin Hemill.
- “Hayvonlar shahri” (2016) filmida mafiya sardori Mister Big - Arktika yerqazari hisoblanadi. Rejissyor Rich Mur aynan shu hayvonni mafiya boshlig‘i sifatida tanlashining sababi “Arktika yerqazari Yer yuzidagi eng vahshiy yirtqich” ekanligidir. Ular o‘z vaznidan uch barobar ko‘p ovqat iste’mol qiladi.
- “Keralayn dahshatlar mamlakatida” (2009) multfilmida dollar kupyurasida ushbu animatsion film rejissyori Genri Selikning yuzi tasvirlangan.
- “Xobbit: Besh qo‘shin jangi” filmining bir sahnasinida Gloin juda tanish dubulg‘a kiyib olgan. Aynan shu dubulg‘ani keyinchalik uning o‘g‘li Gimli meros qilib oladi. Tomoshabinlar Gimlini “Uzuklar hukmdori” filmida ko‘rishlari mumkin.
- “Garri Potter va Qaqnus ordeni” (2007) filmida janob Uizli Garriga, uchuvchi xizmat yozuvlari joriy etilishidan oldin vazirlikda boyqushlardan foydalanganliklarini aytadi. “Fantastik mavjudotlar: Grin-de-Valdning jinoyatlari” (2018) nomli prikvel filmida esa ushbu boyqushlar va ularning ortidan tartibsizlikni tozalayotgan elflarni ko‘rish mumkin.
- “Maxluqlar korporatsiyasi” (2001) filmidagi sahnalardan birida Bu Salliga Nemo o‘yinchog‘ini bermoqchi bo‘ladi. Ammo “Nemoni izlab” multfilmining o‘zi ekranlarga faqat 2 yildan keyin chiqadi.
- “Betmen” (1989) filmida Joker (Jek Nikolson) ko‘rgan rasmlardan biriga e’tibor qaratadi. Xuddi shu rasmni Xoakin Feniks ishtirok etgan “Joker” (2019) filmining bir sahnasiida ham ko‘rish mumkin.
Izoh (0)