Amerikalik ayol AQSh prezidentligiga nomzodlar Donald Tramp va Hillari Klintonning birinchi telemunozaralari haqidagi fikrlari bilan bo‘lishishni istagan kishilardan 13 mingtadan ortiq SMS va 600 ta telefon qo‘ng‘irog‘ini qabul qildi, deb yozadi “TASS”.
Bunga C-SPAN telekompaniyasi yo‘l qo‘ygan xatolik sabab bo‘ldi, u munozaralar translyatsiyasi chog‘ida tomoshabinlarga umuman boshqa odam — Virjiniya shtati Stafford shahrida yashovchi 26 yoshli Tripp Diasning telefon raqamini e’lon qildi.
Diasning aytishicha, tomoshabinlarning nuqtai nazarlari uning 8-noyabr kungi umumiy saylovlarda kimga ovoz berish qaroriga ta‘sir qila olmadi.
C-SPAN o‘z xatosini tan olib, keltirilgan noqulayliklar uchun ayoldan uzr so‘radi.
Nashr eslatishicha, munozaralarning uchta davrasidan birinchisi 26-sentabr kuni Nyu-York shtatidagi Xofstra universitetida bo‘lib o‘tdi. Jamoatchilik fikriga ko‘ra (CNN telekompaniyasi o‘tkazgan so‘rov natijalari bo‘yicha), unda sobiq davlat kotibi g‘alaba qozondi (62 foizga 27 foiz). Translyatsiyani 80 milliondan ortiq kishi tomosha qildi.
Izoh (0)